ചെൽസിയുടെ പ്രകടനത്തെ വിമർശിച്ച് മുൻ താരം ടിം ഷെർവുഡ്; റോസീനിയറുടെ തന്ത്രങ്ങൾക്കും രൂക്ഷ വിമർശനം

ടാക്റ്റിക്കലായും, പന്ത് കൈവശം വെക്കുന്നതിലും, ബിൽഡ്-അപ്പ് പ്ലേയിലും തുടങ്ങി എല്ലാ മേഖലകളിലും ചെൽസി പൂർണമായി പരാജയപ്പെട്ടു. ടീമിലെ ഓരോ താരവും സ്വന്തം നിലയ്ക്കാണ് കളിച്ചത്. ടീമിൽ ഒത്തൊരുമയോ ആത്മവിശ്വാസമോ കാണാനില്ലായിരുന്നു. മത്സരം അവസാനിക്കാൻ 20 മിനിറ്റ് ബാക്കിനിൽക്കെ തന്നെ പകുതിയോളം കാണികൾ സ്റ്റേഡിയം വിട്ടുപോയി.

കളിക്കാരുടെ കഴിവ് മാത്രമല്ല, ഈ ജേഴ്സി അണിയാനുള്ള ആഗ്രഹമാണ് പ്രധാനം. ബ്രൈറ്റൺ താരങ്ങൾക്ക് ഗ്രൗണ്ടിൽ അത്രയധികം സ്ഥലം ലഭിച്ചത് ലജ്ജാകരമാണ്. രണ്ടാം പകുതിയിൽ റോസെനിയർ മാറ്റങ്ങൾ വരുത്തിയെങ്കിലും അതിന് മുമ്പേ അദ്ദേഹം പ്രതികരിക്കണമായിരുന്നു.

ഇങ്ങനെ പറയുന്നതിൽ എനിക്ക് സന്തോഷമില്ല, എന്നാൽ ബ്ലൂസിന്റെ ക്യാമ്പിൽ ഇപ്പോൾ ഒരു പരാജയ മനോഭാവം നിലനിൽക്കുന്നുണ്ട്. ഈ പ്രതിസന്ധിയിൽ നിന്ന് റോസെനിയർക്ക് തലയൂരുക എളുപ്പമല്ല. ഇത്തരം സാഹചര്യങ്ങളിൽ ജോലി തുടരുക ഏത് പരിശീലകനും പ്രയാസകരമാണ്. നിലവിൽ വികസനത്തിന്റെ പാതയിലുള്ള ക്ലബ്ബാണ് ചെൽസി എന്നും ഷെർവുഡ് കൂട്ടിച്ചേർത്തു.