റയൽ മാഡ്രിഡ് ടീം പ്രഖ്യാപിച്ചു; ബെറ്റിസിനെതിരെ നിർണ്ണായക പോരാട്ടത്തിനൊരുങ്ങി താരങ്ങൾ

ലാ ലിഗ കിരീടപ്പോരാട്ടത്തിൽ ബാഴ്‌സലോണയേക്കാൾ ഒമ്പത് പോയിന്റ് പിന്നിലുള്ള റയൽ മാഡ്രിഡിന് ഇനി വരാനിരിക്കുന്ന മത്സരങ്ങൾ ഏറെ നിർണ്ണായകമാണ്. പോയിന്റുകൾ നഷ്ടപ്പെടുത്താൻ സാധിക്കാത്ത അവസ്ഥയിലാണ് നിലവിൽ റയൽ മാഡ്രിഡ് ഉള്ളത്. അഞ്ചാം സ്ഥാനത്തുള്ള റയൽ ബെറ്റിസാകട്ടെ അടുത്ത സീസണിലെ ചാമ്പ്യൻസ് ലീഗ് യോഗ്യത ഉറപ്പാക്കാൻ മൂന്ന് പോയിന്റും ലക്ഷ്യമിട്ടാണ് മൈതാനത്തിറങ്ങുന്നത്. ഇരു ടീമുകളും തമ്മിലുള്ള ഈ മത്സരം കനത്ത പോരാട്ടത്തിന് വഴിയൊരുക്കുമെന്നാണ് ഫുട്ബോൾ ലോകം പ്രതീക്ഷിക്കുന്നത്.