അർബെലോവയുടെ പക്ഷപാതം: റയൽ മാഡ്രിഡിലെ സ്പാനിഷ് താരങ്ങൾക്കിടയിൽ അതൃപ്തി

റയൽ മാഡ്രിഡിൽ ആഭ്യന്തര ഭിന്നത: പരിശീലകൻ അൽവാരോ അർബെലോയ്‌ക്കെതിരെ സ്പാനിഷ് താരങ്ങൾ

റയൽ മാഡ്രിഡ് ഡ്രസിംഗ് റൂമിലെ സ്പാനിഷ് താരങ്ങൾ പരിശീലകൻ അൽവാരോ അർബെലോയുടെ പ്രവർത്തനങ്ങളിൽ അതൃപ്തി രേഖപ്പെടുത്തിയതായി റിപ്പോർട്ട്. ഡാനി കർവജാൽ, ഡീൻ ഹുയ്‌സെൻ, റൗൾ അസെൻസിയോ, ഡാനി സെബല്ലോസ്, ഗോൺസാലോ ഗാർഷ്യ, അൽവാരോ കരേരസ്, ഫ്രാൻ ഗാർഷ്യ തുടങ്ങിയ താരങ്ങളാണ് പരിശീലകനെതിരെ രംഗത്തെത്തിയിരിക്കുന്നത്.

എൽ മുണ്ടോ റിപ്പോർട്ട് ചെയ്യുന്നത് പ്രകാരം, ടീമിലെ സ്പാനിഷ് താരങ്ങളെ പരിശീലകൻ അവഗണിക്കുന്നുവെന്നാണ് ഈ കളിക്കാരുടെ പ്രധാന പരാതി. മാധ്യമങ്ങൾക്ക് മുന്നിൽ സംസാരിക്കുമ്പോൾ ക്ലബ്ബിലെ വിദേശ സൂപ്പർ താരങ്ങളെ മാത്രം അർബെലോ പുകഴ്ത്തുന്നുവെന്നും സ്പാനിഷ് കോർ ഗ്രൂപ്പ് വിശ്വസിക്കുന്നു.

അൽവാരോ കരേരസിനെ മത്സരങ്ങളിൽ നിന്ന് ഒഴിവാക്കിയതും ഈ അതൃപ്തി വർദ്ധിപ്പിച്ചു. താരത്തിന്റെ കഠിനാധ്വാനത്തിലുള്ള കുറവാണ് പുറത്താക്കലിന് കാരണമെന്നാണ് അർബെലോയുടെ നിലപാട്. കൂടാതെ, യുവതാരങ്ങൾക്ക് പരിശീലകൻ അമിത പ്രാധാന്യം നൽകുന്നുവെന്ന തോന്നലും ടീമിലെ മറ്റ് അംഗങ്ങൾക്കിടയിലുണ്ട്.

ഈ സംഭവവികാസങ്ങൾ എഡ്വേർഡോ കമാവിംഗയെപ്പോലുള്ള പ്രമുഖ താരങ്ങളുടെ ഭാവിയെക്കുറിച്ചുള്ള മാധ്യമ ചർച്ചകൾക്ക് വഴിതുറന്നിട്ടുണ്ട്. ടീമിനുള്ളിലെ ഈ അസ്വാരസ്യങ്ങൾ മൈതാനത്തിന് പുറത്തും താരങ്ങൾ തമ്മിലുള്ള തർക്കങ്ങൾക്ക് കാരണമായതായാണ് റിപ്പോർട്ടുകൾ വ്യക്തമാക്കുന്നത്.

We also published this blog on footem.in.