അൻസു ഫാത്തിയെ മൊണാക്കോയ്ക്ക് വിൽക്കാൻ ബാഴ്സലോണ ചർച്ച തുടങ്ങി; 11 ദശലക്ഷം യൂറോ പ്രതീക്ഷിക്കുന്നതായി റിപ്പോർട്ട്

ബാഴ്‌സലോണ താരം അൻസു ഫാറ്റിയെ സ്ഥിരമായി സ്വന്തമാക്കാൻ മൊണാക്കോ തീരുമാനിച്ചു. നിലവിൽ ലോൺ അടിസ്ഥാനത്തിലാണ് താരം മൊണാക്കോയിൽ കളിക്കുന്നത്.

ഈ സീസണിൽ മൊണാക്കോയ്ക്ക് വേണ്ടി മികച്ച പ്രകടനമല്ല ഫാറ്റി പുറത്തെടുത്തതെങ്കിലും, താരത്തെ വാങ്ങാനുള്ള കരാർ നടപ്പിലാക്കാൻ ക്ലബ്ബ് ഒരുങ്ങുകയാണ്. 25 മത്സരങ്ങളിൽ നിന്ന് ഒൻപത് ഗോളുകൾ താരം ഇതിനകം നേടിയിട്ടുണ്ട്.

ബാഴ്‌സലോണയെ സംബന്ധിച്ചിടത്തോളം ഈ നീക്കം വലിയൊരു ആശ്വാസമാണ്. സാമ്പത്തിക പ്രതിസന്ധിയിൽ നിന്ന് കരകയറാനും ക്ലബ്ബിന്റെ സാമ്പത്തിക നിയമങ്ങൾ പാലിക്കാനും ഈ വിൽപ്പന ബാഴ്‌സയെ സഹായിക്കും.

11 മില്യൺ ആണ് ഈ കൈമാറ്റത്തിനുള്ള കരാർ തുകയായി നിശ്ചയിച്ചിരിക്കുന്നത്. എന്നാൽ തുക കുറയ്ക്കുന്നതിനായി ബാഴ്‌സലോണയുമായി ചർച്ചകൾ നടത്താൻ മൊണാക്കോ ശ്രമിക്കുന്നുണ്ട്.

മൊണാക്കോയിൽ തുടരാൻ അൻസു ഫാറ്റിയും താല്പര്യം പ്രകടിപ്പിച്ചിട്ടുണ്ട്. ഭാവിയിൽ ക്ലബ്ബിനൊപ്പം തന്നെ തുടരാനാണ് താരത്തിന്റെ തീരുമാനം.